غزني: پر زده کوونکې د جنسي تيري په تور ښوونکی په لس کاله بند محکوم شو
غزني ( عزم: سه شنبه، ۱۰ ليندۍ،۹۴ ل) د غزني ولايت استيناف محکمې پر يوې نجلۍ د جنسي تيري په تور يو ښوونکی په لس کاله بند محکوم کړ
۱۵ کلنه نجيبه چې د روان لمريز کال د غوايي په مياشت کې يې د غزني په يو کورس کې د سواد زده کړې ترسره کولې د کورس د ښوونکي محمد بخش او د هغه ورور علي بخش له لوري پرې څو څو ځله جنسي تېري شوي دي.
د نجيبې کورنۍ هغه مهال د تورنو کسانو په اړه پوليسو ته شکايت وکړ چې څو مياشتې وړاندې د جغتو په ولسوالۍ کې ونيول شول او د غزني ښاري محکمې دواړه تورن کسان په درې درې کاله بند محکوم کړل.
خو وروسته د نجيبې کورنۍ د محکمې د پريکړې او په درې کاله کم بند راضي نه شول او له محکمې څخه يې وغوښتل چې يادو مجرمينو ته سخته سزا ورکړي، چې نن په غزني کې د يادې پېښې عاملينو ته د سزا ورکولو په موخه علني محکمه جوړه شوه چې محمد بخش او ورور يې په لس لس کاله بند محکوم کړل.
د محکمې په پاى کې د غزني د استيناف محکمې مشر محمد علي کريمي وويل چې د دې محکمې د قضايي پلاوي د پرېکړې له مخې، علي بخش په لس کاله بند محکوم دى
خو علی بخش د يادې محکمې پرېکړه غيرعادلانه وبلله.
د يادونې وړ ده چې په افغانستان کې د ديمواکراسۍ تر راتګ وروسته د جنسي تيريو پېښې زياتې شوي چې له امله يې ګڼ شمېر افغانۍ ميرمنۍ ښکار کيږي.