میدان وردګ: طالبانو په مرکز میدان ښار کې یوه پوسته نیولې
عزم(یکشنبه، ۱۰ زمری، ۱۴۰۰ل): طالبانو نن سهار د میدان وردګ ولایت په مرکز کې یوه پوسته نیولې، چې له امله یې ۶ تنه عسکر هم وژل شوي دي.
د طالبانو ویاند ذبیح الله مجاهد وايي، نیول شوې پوسته د ولایت مقام ته نږدې وه، چې یو ټانګ او ۷ میله وسله هم ترې راوړل شوې ده.
«نن سهار د میدان وردګ ولایت مرکز فامیلیو سیمه کې د ولایت مقام ته نژدې د مزدور دښمن دفاعي پوسته و نیول شوه.
۶ تنه عسکر و وژل شول، یو ټانګ، ۷ میله وسله او ډير مهمات د مجاهدینو لاس ته ورغلل.
په نښتو کې ۲ تنه مجاهدین شهیدان او ۳ نور ژوبل شول.»
#الفتح:
مهم: نن سهار د میدان وردګ ولایت مرکز فامیلیو سیمه کې د ولایت مقام ته نژدې د مزدور دښمن دفاعي پوسته و نیول شوه.
۶ تنه عسکر و وژل شول، یو ټانګ، ۷ میله وسله او ډير مهمات د مجاهدینو لاس ته ورغلل.
په نښتو کې ۲ تنه مجاهدین شهیدان او ۳ نور ژوبل شول.— Zabihullah (..ذبـــــیح الله م ) (@Zabehulah_M33) August 1, 2021
په میدان ښار کې طالبان داسې مهال یوه پوسته سقوط کوي، چې اوسمهال طالبان د هلمند ولایت په مرکز لښکرګاه ښار کې د پرمختګونو په حال کې دي او ۹ حوزه یې هم تر خپل واک لاندې راوستې ده.