د کندز بالاحصار هم د طالبانو لاسته ولوید
عزم(یکشنبه، ۱۷ زمری ۱۴۰۰): طالبان وایي د کندز ولایت مرکز کې یې نور پرمختګونه هم کړي، د بالا حصار مهمه سیمه او د ملي امنیت څارنوالۍ یې نیولي دي.
طالبانو ادعا کړې چې چارواکي د تلفاتو په لیدلو په شا شوي، ګڼې وسلې، مهمات او نقلیه وسائط د دوی لاسته لویدلي دي.
د طالبانو له لوري په دې اړه خپره شوې خبرپاڼه کې راغلي چې اوس مهال د ولایت ودانۍ او امنیه قومندانۍ تر محاصره او بریدونو لاندې دي.
دا په داسې حال کې دی چې سهار د کندز محبس هم مات شو او تر درې سوه پورې تول زندانیان یې خوشې شول.