رویټرز اژانس: په کابل کې د بې پیلوټه الوتکې برید کې ماشومان هم وژل شوي

عزم (دوشنبه، ۸وږی ۱۴۰۰): انګلیسي ورځپاڼې رویټرز اژانس په کابل کې د امریکایي بې پیلوټې الوتکې پروني برید ته پام اړولی.
که څه هم امریکایان وایي چې په برید کې یې ۹ داعش وسله وال وژلي، خو سیمه ییز خلک یې شمې کم بولي.
AP اژانس هم د طالبانو له قوله ویلي چې برید کې یوازې یو داعشي وسله وال وژل شوی.
خو رویټرز اژانس بېا لیکي: دغه برید چې له باردو او وسلو په ډک موټر شوی څو ماشومان هم پکې وژل شوي، خو کره شمېر یې نه دی څرګند شوی.
رویټرز لیکلي: ” د سیمه ییزو راپورونو له مخې په کابل کې د امریکا د بې پیلوټه الوتکې په برید کې نهه کسان وژل شوي، چې په کې یو شمیر ماشومان هم شامل دي. دا ارقام نه دي تایید شوي؛ خو د امریکا مرکزي قوماندې ویلي چې دوی د ملکي تلفاتو احتمال ارزوي”.
ورځپاڼې همداراز د امریکایي ځواکونو له خولې لیکلي چې وايی: په موټر کې چاودیدونکي توکي او ځانمرګي برید کونکي وو چې ټاکل شوې وه د کابل هوایي ډګر په نیږدې وخت کې په نښه کړي.
داعش وسله والو په دې اړه څه نه دي ویلي.
باید وویل شي چې د تېرې پنجشنبې پر ورځ د داعش ډلې په یو برید کې د کابل هوایي ډګر ترڅنګ ولاړ لسګونه عام افغانان، ۱۳ امریکایي پوځیان او دوو بریتانوي وګړي ووژل شول.

Related Articles

ځواب دلته پرېږدئ

ستاسو برېښناليک به نه خپريږي.

Back to top button
%d bloggers like this: