ولې په افغانستان کې اوړه کم او قیمته دي؟

استاد عبدالجبار وحدت
په ټولنیزو علومو کې زموږ مسلک اقتصاد دی، د بحث محوري موضوع مو هم د ولس د اقتصادي غوښتنو انعکاس باید و اوسي.
د اوړو کمښت او د بیو لوړوالي اړوند باید د کرهڼې له وزارت څخه وپوښتل شي.
د دوی دنده څه وه؟ موثریت یې څه و؟ او د دندو لایحه یې څه وه؟
دا دومره اصلاح شوي تخمونه او کیمیاوي سرې څه شوې؟
ولې دوی د غنمو د ترویج لپاره کار ونکړ؟
ولې یې حد اقل په دې برخه کې د خودکفایي فکر و نه کړ؟
زه نه پوهېږم چې دا څومره موثر فکر دی چې د غنمو پر ځای دې زعفران او ینجي وکرل شي.
حل لاره دا ده که په را روان کال کې زموږ کروندګر د نورو اضافي زراعتي بوټو پر ځای غنمو ته لومړیتوب ورکړي، ممکن ټول هېوادوال مو په نس ماړه کړي، حد اقل په دې برخه کې خو به خودکفا شو او د دې برخې پولي تادیات به مو له بهر څخه سپمولي وي.
شرم دی تر 85% پورې ځوانه انرژي مو د کرهڼې په سکتور کې بوخته ده، مګر بیا هم تر 90% سلنه پورې غله مو وارداتي ده.
په هره موضوع کې سوداګر او ګاونډي مه ملامتوئ.
او که په دې کې هم د پردیو لاس وي،نو بیا د شنه چای پیاله قصداً په لغته ووهئ او د ګاونډیو کار یې وبولئ.
سړی سخت خفه شي.
درنښت

Related Articles

ځواب دلته پرېږدئ

ستاسو برېښناليک به نه خپريږي.

Back to top button
%d bloggers like this: