پوتین: د افغانستان د اوسني وضعیت پړه د امریکا پرغاړه ده؛ اوس یې باید کنګل شوې شتمني ژر ورکړي

پوتین له افغانستان د ځواکونو د ایستلو په تړاو د جوبایډن پریکړه وستایله ،خو ویې ویل چې امریکا باید د افغانانو کنګل شوې شتمني ورخوشې کړي ،څو هلته د خلکو اقتصادي وضعیت سم شي.

عزم :۱۴۰۰ تله ۳۰

د روسیې ولسمشر ولادمیر پوتین یوې خبري ناستې ته ویلي چې د افغانستان د اوسني وضعیت مسؤلیت د امریکا په ګډون د هغو هیوادونو پر غاړه ده ،چې ۲۰ کاله یې هلته خونړۍ جګړې وکړې .
نوموړي وویل: «سره له دې چې د د روسیې او چین په ګډون د شانګهای سازمان غړي هیوادونه هم باید د مرستو لاس یوسي،خو د افغانستان د روان خونړي وضعیت مسؤلیت تر ډیره هغوی ته ورګرځي چې هلته شل کاله وجنګیدل»
پوتین له افغانستان د ځواکونو د ایستلو په تړاو د جوبایډن پریکړه وستایله ،خو ویې ویل چې امریکا باید د افغانانو کنګل شوې شتمني ورخوشې کړي ،څو هلته د خلکو اقتصادي وضعیت سم شي.

هغه پر نړیوالو غږ وکړ چې باید اوس د افغانستان په بیارغونه باندې فکر وکړي ،هلته اقتصادي پانګونې وکړي او د یاد هیواد د رغولو لپاره مټې راونغاړي.
روسي ولسمشر په افغانستان کې د داعش ډله یو ګواښ وباله ،خو وایي چې طالبانو یې په کلکه مخه نیولې او هڅه کوي له یادې افراطي ډلې ځان خلاص کړي.

Show More

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Back to top button