د ابن سینا فارمیسي دولتي شرکت فعالیت په ښه توګه روان دی

عزم ــ (سه شنبه، ۲۶ ميزان، ۱۴۰۱): د مالیې وزارت اړوند؛ د ابن سینا فارميسي دولتي شرکت، چې له اوږدۀ ځنډ وروسته یې بیا فعالیت پیل کړی، د درملو او نورو روغتیایي محصولاتو د تولید چارې یې په ښه توګه روانې دي.

د ابن سینا فارميسي دولتي شرکت په لوړ کیفیت مختلف ډوله درمل او روغتیایي محصولات تولیدوي. یاد شرکت له ډېرې مودې راهیسې په ټپه ولاړ ؤ، خو د اسلامي امارت له حاکمیت وروسته، دولتي شرکتونو ته د ځانګړې پاملرني په پایله کې د ابن سینا فارمیسي دولتي شرکت هم فعالیت پیل کړ.
یاد شرکت د درملو او روغتیایي محصولاتو د تولید تر څنګ؛ د بیړنیو حالاتو لپاره هم درمل ذخيره کوي.
اوس مهال یاد شرکت د ډیفن هیډرامین شربتونو او پراسټامول ټابلیټونو په ګډون، لس قلمه درمل او یو شمېر روغیایي محصولات تولیدوي او د پلازمیني کابل په ګډون، په ټول هيواد کي د (۱۳۰) درملتونونو له لاری خپل درمل هیووادوالو ته وړاندې کوي.
د یادونې وړ ده، چې یاد شرکت په (۱۳۳۳ ل) کال کې د فارمیسي تصدۍ په نوم فعالیت پيل کړ او په (۱۳۹۷ل) کال د دولتي شرکتونو د قانون پر اساس؛ د ابن سینا فارمسي دولتي شرکت په نوم ونومول شو.
یاد شرکت د کمونستانو له کودتا څخه وړاندې د سردار داؤد د حکومت پر مهال له (۱۲۰) قلمه څخه زیات درمل او روغتیایي محصولات تولیدول او د سیمې په کچه یې ښه نوم او شهرت درلود، خو بیا د جګړو د پیل او او نه پاملرنې له امله یې تولیدي فعالیتونه تر اوسه ځنډیدلي وو. خو اوس یې د اسلامي امارت په راتګ سره یو ځل بیا فعالیت پیل کړ. اړوند مسؤلین د یاد شرکت بیا فعالیدل د خودکفایي پر لور مهم ګام بولي او له مشرتابه څخه هیله لري چې دې برخې ته لا زیاته پاملرنه وکړي.

Related Articles

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Back to top button
%d bloggers like this: