یوه ګناهګار سره د رسول الله ﷺ چلند

عبد الله رضي الله عنه وایي: رسول الله ﷺ ته یو سړی راغی، ورته ویې ویل: یا رسول الله! د ښار په پای کې مې یوې ښځې سره څه وکړل، ما له هغې سره له جماع پرته نورې لوبې وکړې، نو زه دا دی راغلم، زما په اړه چې ستا څنګه خوښه یي هماغسې پرېکړه وکړه، عمر وویل: الله دې پرده کړې وه، که تا خپله د ځان پرده کړې وی. راوي وایي رسول الله هیڅ ځواب ورنه کړ، سړی ولاړ، وروسته رسول الله سړی ورپسې ولیږه، راویې غوښت او دا ایت یې ورته تلاوت کړ:

او د ورځي په دواړو خواوو او د شپې څه برخه کې لمونځ قائم کړه. په حقيقت کې نېکي، بدۍ له منځه وړي. دا د هغو خلكو لپاره يوه يادونه ده چي د خداى په ياد لرونكي دي.
وَأَقِمِ الصَّلٰوةَ طَرَفَىِ النَّهَارِ وَزُلَفًا مِّنَ الَّيْلِ ۚ إِنَّ الْحَسَنٰتِ يُذْهِبْنَ السَّيِّـَٔاتِ ۚ ذٰلِكَ ذِكْرٰى لِلذّٰكِرِينَ.[سُوۡرَةُ هُود : 114]. د قوم یوه سړي رسول الله ته وویل: دا ډول چلند ځانګړی د دې سړي لپاره دی؟ هغه وفرمایل: بلکې د ټولو خلکو لپاره دی.

عن عبد الله رضي الله عنه قال: جاء رجل إلى النبي ﷺ فقال: يا رسول الله إني عالجت امرأة في أقصى المدينة وإني أصبت منها ما دون أن أمسها فأنا هذا فاقض فيَّ ما شئت، فقال عمر: لقد سترك الله لو سترت نفسك، قال: فلم يرد النبي ﷺ شيئا فقام الرجل فانطلق فأتبعه النبي صلى الله عليه وسلم رجلا دعاه وتلا عليه هذه الآية: {وأقم الصلاة طرفي النهار وزلفا من الليل إن الحسنات يذهبن السيئات ذلك ذكرى للذاكرين} ( هود 114) فقال رجل من القوم يا نبي الله هذا له خاصة؟، قال: بل للناس كافة.(رواه البخاري ومسلم)

که څوک د دې سړي په څېر کړنه ترسره کړي او توبه وباسي، لکه دې صحابي چې توبه ایستلې وه او رسول الله نه یې وغوښتل چې زما په اړه ستا له خوښې سره سمه پرېکړه وکړه. نو دا باید وبښل شي او که توبه او پښېمانې ونه ښیي هغه ته باید قاضي له خپل صوابدید سره سمه تعزیري سزا ورکړي. نور په دې حدیث کې هر څه روښانه دي او د امر بالمعروف او نهي عن المنکر لپاره ډېر څه په کې شته.

حامد افغان

Related Articles

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Back to top button
%d bloggers like this: