سرپل: د داعشیانو ۲قومندانان او ګڼ وسلوال طالبانو ته واووښتل
عزم: شنبه/۱۳۹۷/۱/۴- د هیواد شمالي ولایتونو سرپل او جوزجان کې د داعشیانو دوه قومندانان ګڼو وسلوالو او پوځي تجهیزاتو سره طالبانو ته واوښتل.
د سیمه ییزو سرچینو په وینا، د جوزجان ولایت درزاب ولسوالۍ کې د داعشیانو قومندان قدرت الله خپلو لس تنو ملګرو او وسلو سره طالبانو سره ملګري شول.
همداراز، د سرپل په صیاد ولسوالۍ کې د داعشیانو مهم مشر سید کمال الدین طالبانو ته واووښت.
طالبانو د داعشیانو د تسلیمۍ پخلی کړی او زیاتوي چې د حقائقو په درک کولو سره یاد کسان “اسلامي امارت” سره ملګري شول.
طالبانو د یوې خبرپاڼې په خپرولو سره ویلي چې یادو کسانو خپلې وسلې هم طالبانو ته سپارلې، او د وفادارۍ کلک تعهد یې وکړ.
د طالبانو په وینا، تسلیم شويو داعشیانو تمه ښودلې چې نزدې ورځو کې ددې سیمې یو شمیر نور داعشیان هم طالبانو ته واوړي.