غزني: خلکو د ټاکنو کمیسون دفتر تړلی
عزم(پنجشنبه، ۶غويي، ۱۳۹۷ل) د غزني اوسېدونکو د حکومت د تبعیضي چلند په غبرګون کې په دې ولایت کې د ټاکنو کمیسون دفتر وتړلو
خلکو له حکومت ګیله کوله چې په دې ولایت کې د ټاکنیزو هڅو لپاره د یو اقلیت څخه د کارکوونکو ګمارنه کړې.
خلکو څو ورځو راهیسې د ټاکنو د کمیسون دفتر مخې ته د تحصن خېمه وهلې وه او د ټاکنو حوزوي کول یې غوښتل.
د غزني خلکو ویلي د ګمارل شویو کسانو په اړه دې بیا کتنه وشي او پر تذکرو دې سټیکر نه لګول کیږي.
معلم عبدالرازق یو تن قومي مشر وايي، د ټاکنو کمیسیونو لپاره شوې ګمارنې عادلانه نه دي، دوی به تر هغو خپلو اعتراضونو ته دوام ورکړي چې تر څو يې غوښتنې منل شوې نه وې.
په کابل کې د ټاکنو خپلواک کمیسیون په دې تړاو تر اوسه څه نه دي ويلي.
دا په داسې حال کې دی چې د هزاره ګانو علماء هم څو ورځې وړاندې له یوې غونډې وروسته له ټاکنو سره د پریکون پریکړه صادره کړې وه.