نن افغانستان د ائیرلنډ په وړاندې یوه ورځنی لوبه ترسره کوي
عزم(دوشنبه، ۵ وږی ۱۳۹۷) له درې شل اوریزو سیالیو وروسته ټاکل شوې نن ورځ د ائیرلینډ او افغانستان ترمنځ د درې یو وزځنیو سیالیو لړی نن پیل شي.
دغه لوبه چې نن د افغانستان پروخت ۲:۱۵ باندې پیل کیږي شاید د افغانستان چټک توپ وهونکی لوبغاړی محمد شهزاد پکې ونه لوبیږي.
محمد شهزاد د افغانستان کرکټ بورډ له لوري د هغه د غلطی له امله له یوې یو ورځنی لوبې څخه بند اعلان شوی.
له دې مخکې د ائیرلنډ او افغانستان ترمنځ د درې شل اوریزو لوبو څخه چې دوه یې ترسره شوې یوه د باران له امله وځنډیدله دواړه افغانستان ګټلې وې.
دغه دواړه لوبې افغانستان د نوي تکړه توپوهونکي لوبغاړي حضرت الله ځاځي د ښې توپوهنې په مټ وګټلې او سیریز یې د افغانستان په نوم کړ.
حضرت الله ځاځی لومړی د یو ورځنیو سیالیو په لیست کې نه وو خو د هغه د ښې توپوهنې له امله هغه د یو ورځنیو سیالیو لیست کې هم داخل شو چې نن به شاید د دغې لوبې غړی وي.