زلمی خلیلزاد د افغان سولې په تړاو د سیمې د هېوادونو په سفر تللی
عزم(چهارشنبه، ۱۸ مرغومی ۱۳۹۷): د امریکا د بهرنیو چارو وزارت وايي، د افغان سولې لپاره د دې وزارت ځانګړی استازی زلمی خلیلزاد یو ځل بیا د سیمې د هېوادونو په سفر وتلی دی.
د یاد وزارت له لوري په خپره شوې خبرپاڼه کې ویل شوي، ټاکل شوې زلمی خلیلزاد به د دغه سفر په جریان کې افغانستان، پاکستان، هند او چین ته سفرونه وکړي او د یادو هېوادونو له مشرانو سره به پر افغان سولې خبرې وکړي.
په اعلامیه کې ویل شوي، د روانې جنوري میاشتې له اتمې تر ۲۱مې پورې به دغه سفر روان وي.
د امریکا د بهرنیو چارو وزارت په اعلامیه کې لیکل شوي، امریکا هڅه کوي چې د افغانستان جګړه د خبرو اترو له لارې پای ته ورسوي او د سیمهییزو هېوادونو همکاري راخپله کړي.
زلمی خلیلزاد تېر کال هم د ګڼو هېوادونو په سفر راغلی و، چې په ترڅ کې یې له طالبانو سره هم څلور ورځنۍ خبرې وکړې؛ خو د دې سفر په اړه یې تراوسه نه دي ویلي چې له طالبانو سره به وګوري او کهنه.