بلخ: طالبان وایي د استخباراتو ۵ کارمندانو ته یې مرګ ژوبله اړولې
عزم(چهارشنبه، ۱۰ کب ۱۳۹۷): طالبان وایي تیره ورځ مازدیګر مهال یې د بلخ مرکز کې د استخباراتو په کارمندانو د ماین چاودنه ترسره کړې.
د طالبانو له لوري په خپره شوې خبرپاڼه کې راغلي چې تیره ورځ مازدیګر مهال یې د بلخ مرکز مزارشریف اړوند د شهیدانو دروازې ته څیرمه یې د ماین په چاودنه کې د استخباراتو ۵ کارمندانو ته مرګ ژوبله اړولې.
خبرپاڼه کې راغلي چې په دغه چاودنه کې ۳ تنه وژل شوي او ۲تنه نور ټپیان دي.
دا پداسې حال کې دی چې تیره ورځ د بلخ په کشنده ولسوالۍ کې هم قومندان غلام رسول له پنځه نورو اربکیانو سره وژل شوی وو.