د څرخيپله له زندانه ۸۰ بندیان خوشې شول
عزم(دوشنبه، ۰۹ غوايي ۱۳۹۸): د څرخيپله له زندانه ۸۰ بندیان خوشې شوي دي.
د لویې څارنوالۍ له لوري په خپره شوې خبرپاڼه کې ویل شوي، چې دغه ۸۰ بندیان یې د مجاهدینو د بریا د ۲۷کلیزې په مناسبت خوشې کړي دي.
په خوشې شویو بندیانو کې دوې ښځې او پاتې بندیان د نشهيي توکو او د نورو جرمونو له امله بندیان شوي وو.
په خبرپاڼه کې ویل شوي، د ۴۰بندیانو د بند په موده کې کموالی هم راغلی دی.
څرخيپله زندان په هېواد کې له تورو زندانونو څخه شمېرل کېږي، چې وخت ناوخت پکې بندیان د زندان د مسوولینو له لوري د ناسم چلند له امله د نه خوړو اعتصاب هم کوي.
په دغه زندان کې زرګونه داسې کسان هم بندیان دي، چې د کلونو، کلونو په تېرېدو یې جرم هم معلوم شوی نه دی؛ خو لا هم د بند شپې سبا کوي.
ډېری بندیان وايي، د ځانګړو ورځو په مناسبت هغه بندیان خوشې کېږي، چې د زندان مسوولینو ته پیسې ورکړي او یا له چارواکو سره یې پېژندګلوي ولري.