د کابل ښار دوغ اباد کې یوې پوستې سقوط کړی
عزم(دوشنبه، ۳۰ غویی ۱۳۹۸): تیره شپه د کابل ښار په دوغ آباد سیمه کې طالبانو د پولیسو پر پوستې برید کړی چې مرګ ژوبله یې اړولې.
د کورنیو چارو وزارت ویاند نصرت رحیمي د برید پخلی کړی او زیاته کړې یې ده، چې دغه برید د کابل ښار د اوومې ناحیې اړوند دوغ آباد سیمه کې د پولیسو پر یوې پوستې شوی دی.
هغه ویلي چې په برید کې درې پولیس وژل شوي او درې نور ټپیان دي.
طالبانو د برید مسئولیت منلې ویاند یې ذبیح الله مجاهد ویلي دي چې برید کې یې اته پولیس وژلي، وسلې او مهمات یې لاسته ورغلي دي.
هغه همدا راز د خپلو دوه ملګرو ټپي کیدل هم منلي خو نصرت رحیمي بیا وایي چې دوه طالبان وژل شوي دوه نور ټپیان شوي دي.