هرات کې یوې چاودنې اته تنه ټپیان کړي
عزم(چهارشنبه، ۱۶زمری، ۱۳۹۸ل): د هرات امنیتي چارواکي وايي، نن ماسپښین یوه بجه د هرات ښار اړوند د درب ملک په سیمه کې یوې چاودنې اته تنه ټپیان کړي دي.
د هرات د عامې روغتیا رئیس عبدالحکیم تمنا وايي، د دې چاودنې له امله دوه ماشومان، دوې ښځې او څلور نارینه ټپیان شوي دي.
د هرات د امنیې قومندانۍ قومندان جنرال امین امرخېل وايي، چاودنه د مقناطیسي ماین له امله شوې او په یوې کرولا موټر پسې نښلول شوی و.
دی وايي، ټول ټپیان ملکي وګړي دي.
تراوسه د دې پېښې مسوولیت چانه دی منلی.