هرات کې ماین چاودنې د یوې کورنۍ ۱۱غړو ته مرګژوبله اړولې
عزم (شنبه، ۲۷تله، ۱۳۹۸ل): د هرات ځايي چارواکي وايي، د هرات په زاول ولسوالۍ کې د سړک غاړې ماین چاودنې د یوې کورنۍ ۱۱ غړو ته مرګژوبله اړولې ده.
د هرات د والي ویاند جیلاني فرهاد وايي، بېګاه شپه د زاول ولسوالۍ په چنګال سیمه کې د سړک غاړې ماین چاودنې د یوې کورنۍ ۶غړي وژلي او ۵ نور یې ټپیان کړي دي.
دی وايي، کله چې موټر پر سړک تېرېده، ماین چاودنه پرې کړې او ۱۱ تنو ته مرګژوبله اوښتې ده.
د فرهاد په خبره، په دغه چاودنه کې د یوې کورنۍ څلور ماشومان، یو سړی او یوه ښځه وژل شوي او پنځه نور ټپیان شوي دي.
نوموړي د ټپیانو روغتیايي حالت نازک یاد کړ.
تراوسه د بېګانۍ چاودنې مسوولیت چا نه دی اخیستی او نه هم معلومه شوې، چې یادې کورنۍ شخصي دښمني لرله او کهنه.