ولسي جرګه: امنیتي ادارې یوازې د کابل امنیت نه شي خوندي کولای

عزم(یکشنبه، ۱۵، مرغومی، ١٣٩٨ل): د ولسي جرګې غړي وايي، په کابل ښار او یو شمېر نورو ولایتونو کې جنايي پېښې ډېرې شوي، چې ورسره یې د ځینو خلکو اندېښنې هم راپورته کړي دي.

د دې جرګې ځینې غړي وايي، په اړوند موضوع باید امنیتي چارواکي وپوښتل شي او د روانو جنايي پېښو په اړه ورنه پوښتنه وشي.

د ولسي جرګې رئیس میر رحمان رحماني وايي، طالبان اوس مهال د کندوز  پر درېیو ولسوالیو بشپړ واک لري او کېدای شي کندوز یو ځل بیا سقوط شي.

د ده په خبره، یوازې د کندوز امنیت نه دی، بلکې په کابل کې هم خلک په رڼا ورځ لوټل کېږي او د شپې پر مهال خلک د امنیتي پوستو او پولیسو په شتون کې وژل کېږي.

د دې جرګې ډېری غړي وايي، په کابل کې جنايي پېښې اوج ته رسېدلي او په دې اړه باید امنیتي ادارې د ولسي جرګې غړو ته ځواب ووايي.

د ولسي جرګې غړي داسې مهال په کابل کې د جنايي پېښو د ډېرېدو وايي، چې په کابل کې هره شپه ځینې خلک د وسله‌والو غلو له لوري لوټل کېږي او ځینې وژل شوي هم دي.

د کورنیو چارو وزارت ادعا کوي، چې په کابل کې د شپې او ورځې پر مهال منظمې ګزمې کوي او ګڼ شمېر غله یې نیولي هم دي.

Related Articles

ځواب دلته پرېږدئ

ستاسو برېښناليک به نه خپريږي.

Back to top button
%d bloggers like this: