بلخ: ۲۹دولتي عسکر طالبانو ته تسلیم شوي
عزم(شنبه، ۰۹وری، ۱۳۹۹ل): د بلخ په زارع، خاص بلخ، کشنده، چمتال او شولګر ولسوالیو کې د حکومت ۲۹عسکر طالبانو ته تسلیم شوي دي.
د طالبانو ویاند ذبیح الله مجاهد په خپل ټوېټرلیکلي«د بلخ ولایت زارع، خاص بلخ، کشنده، چمتال او شولګر ولسوالیو په مربوطاتو کې د کابل ادارې ۲۹ تنه عسکر او پولیس د حقائقو په درک کولو سره له خپلو دندو لاس په سر او له مجاهدینو سره یوځای شول.د جلب و جذب مسئولینو یې هرکلی وکړ.»
په تسلیم شویو عسکرو کې پولیس، اربکیان او د اردو عسکر دي، چې له خپلو ټولو مهماتو سره طالبانو ته ورغلي دي.
نن د بلخ سربېره په غور کې هم ۷۵حکومتي عسکر له طالبانو سره یو ځای شوي وو.
د طالبانو او امریکا ترمنځ د سولې د هوکړې وروسته هره ورځ سلګونه حکومتي عسکر دندې پرېږدي او له طالبانو سره یو ځای کېږي.