د لوړو زده کړو وزیر د انټرنیټ قیمت کې د کمي غوښتنه وکړه
عزم(سه شنبه، ۱۲ وری ۱۳۹۹): د لوړو زده کړو وزیر جمهوري ریاست نه غوښتنه کړې چې د اشرف غني د انلاین ښوونې طرحې د عملي کیدو لپاره دې د انټرنیټ بیو کې کموالی راشي.
ارګ په یوې خبرپاڼې کې ویلي چې اشرف غني نن د لوړو زده کړو وزیر عبدالتواب بالا کرزي سره د ویډیویي کانفرانس له لارې د دغې طرحې په مناسبت خبرې کړې دي.
خبرپاڼه کې راغلي چې په دغه ویډیویي کانفرانس کې د لوړو زده کړو وزیر د یادې طرحې د عملي کیدو لپاره د بودیجې د ځاګړتیا او انټرنیټ د بیو د کموالي غوښتنه کړې ده.
هغه ویلي چې د انلاین ښوونې طرحې لپاره د ۲۵۰ زرو زده کوونکو د ښوونې پلان لري.
هغه له مخابراتو او ټیکنالوژی وزارت او د احصائیې او معلوماتو ملي ادارې څخه د انلاین ښوونې په تخنیکي برخه کې د مرستې غوښتنه کړې.
اشرف غني د لوړو زده کړو له سرپرست وزیر څخه غوښتي چې د انلاین ښوونې د بودیجې اندازه معلومه کړي او د یاد سیسټم طراحانو ته مډال باید ورکړل شي.
د یادونې وړ دی چې د انلاین ښوونې طرحه د کرونا وایروس له امله د رخصتیو او د پوهنتونونو او مکاتبو د بندیدا له وجې تر څو زده کوونکي په رخصتیو کې له زده کړو محروم نه شي.