ورځنی حديث: تر ټولو ستر بخيل وپېژنئ

 

سميع الله افغان

وعن علِيٍّ رضي الله عنه قَالَ: قَالَ رسُولُ اللَّهِ ﷺ: الْبخِيلُ مَنْ ذُكِرْتُ عِنْدَهُ، فَلَم يُصَلِّ علَيَّ. رواهُ الترمذي وقالَ: حديثٌ حسنٌ صحيحٌ.

ژباړه: له علي رضي الله عنه څخه روايت دی، ده ويلي چې رسول الله صلي الله علیه وسلم فرمایلي دي: (لوی) بخيل هغه څوک دی، چې زه يې پر وړاندې ياد شم، خو دی پر ما درود ونه وايي.

يو بل روايت کې راځي چې رسول الله صلي الله عليه وسلم فرمايلي: د هغه کس پوزه دې سپېره وي چې زه يې پر وړاندې ياد شم، خو پر ما درود ونه وايي او د هغه چا پوزه دې سپېره وي چې رمضان پرې پرې راشي او بيرته ولاړ، خو ده ته بښنه ونه شي او د هغه چا پوزه دې سپېره وي چې خپل مور و پلار په زړښت کې ومومي، خو دی (د هغوی پر خدمت) جنت تر لاسه نه کړي.

همدارنګه له أبي محمد کعب بن عجرة رضي الله عنه څخه روايت دی، دی وايي چې موږ له رسول الله صلي الله عليه وسلم څخه پوښتنه وکړه چې موږ پر تا څنګه درود ووايو؟
هغه مبارک وفرمايل: داسې ووايئ: اللَّهمَّ صَلِّ عَلَى مُحمَّدٍ، وَعَلى آلِ مُحمَّد، كَمَا صَلَّيْتَ عَلى آلِ إبْرَاهِيمَ، إنَّكَ حمِيدٌ مجيدٌ. اللهُمَّ بارِكْ عَلى مُحَمَّد، وَعَلى آلِ مُحَمَّد، كَما بَاركْتَ عَلَى آلِ إبْراهِيم، إنَّكَ حميدٌ مجيدٌ”. متفق عليه
تر نورو رسول يې صدقه جاريه ده!

Related Articles

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Back to top button
%d bloggers like this: