جوزجان: د ښځو او ماشومانو په ګډون ۷ تنه هوایي برید کې شهیدان شوي
سیمئیزې سرچینې وایي چې د دغه بمبار له امله د نورو کورونه سربیره یو کور په بشپړه توګه ویجاړ شوی چې پکې ۴ ښځې، یو نارینه او ۲ تنه ماشومان په شهادت رسیدلي.
عزم(پنجشنبه، ۲ غبرګولی ۱۳۹۹): تیره شپه د جوزجان ولایت مردیان ولسوالۍ جنګل آریغ سیمه کې د ملکي خلکو په کورونو بمبار شوی چې خلکو ته یې د مالي زیانونو ترڅنګ درانه ځاني زیانونه هم اړولي.
عزم ته هغه انځورونه د سیمې د خلکو له لارې رسیدلې چې پکې ښکاري بمبار د ملکي خلکو کورونه نړولي او درانه زیانونه ورته اوښتي.
سیمئیزې سرچینې وایي چې د دغه بمبار له امله د نورو کورونه سربیره یو کور په بشپړه توګه ویجاړ شوی چې پکې ۴ ښځې، یو نارینه او ۲ تنه ماشومان په شهادت رسیدلي.
د اشرف غني د تهاجمي عملیاتو له اعلان وروسته د کابل ادارې یو ځل بیا پر ملکي خلکو د بریدونو ناتار جوړ کړی چې یواځې همدا تیره ورځ او شپه یې په څو ولایتونو کې ملکي خلک په نښه کړي وو.
د نورو بریدونو سربیره د پروان په خلازیو سیمه کې د ملي امنیت ځواکونو په روژه مات ناست خلکو ته لومړی دستي بمونه ورغورځولي وو، وروسته یې پرې ډزې کړې وې چې ګڼه مرګ ژوبله یې اړولې وه.