چې د يار له پاکو وينو پوره نه شو ـــ کبرجنې سولې څومره دې ولور دی؟!/ مسرور درمل
غزل
پاڼې پاڼې دی، زخمي پرهر پرهر دی
په سپېرو خاورو کې پروت مې ګل دلبر دی
چې د يار له پاکو وينو پوره نه شو
کبرجنې سولې څومره دې ولور دی؟
بوره مور دې خوښۍ نه لري په زړه کې
شهيد شوی دې شهيده برادر دی
آزادۍ د تا به هم زړه پرې خوږیږي
درنه ځار نن داسې ګل نازک بشر دی
عمري عدل به بيا پرې حاکميږي
دا هېواد مې د ملنګ ملا عـمـر دی
ستا د غاړې هار جوړيږي له ګلونو
ټولوم درمل، ګلاب دی که صدبر دی
مسرور_درمل