د ظفر قول اردو د دریمې لوا رئیس ارکان و وژل شو

عزم(دوشنبه، ۱۰ لیندۍ ۱۳۹۹): د بادغیس ولایت امنیتي مسئولین وایي چې تیره شپه په دغه ولایت کې د دریمې لوا رئیس ارکان عبدالبصیر عثماني و وژل شو.

د یادې لوا قومندان حسیب الله مسعود ویلي چې بیګا شپه د بادغیس په بالا مرغاب ولسوالۍ کې طالبانو د اردو په یوه قرارګاه د هوان برید کړی وو چې نوموړی هم پکې وژل شوی دی.

مسعود ویلي چې په دغه برید کې ۸ تنه نور هم ټپیان شوي دي چې د دریو روغتیایي وضعیت نازک دی.

په ورته وخت کې د دریمې لوا ویاند عبدالطیف روستایي د یاد خبر په تایید سره ویلي چې هغه هم په ټپیانو کې دی، خو د ټپیانو شمیره یې نه ده ښودلې، خو ځینې سرچینې د زخمیانو شمیره ۱۱ ښیي.

بادغیس له هغو ولایتونو څخه ده چې طالبان یې په زیاتو سیمو واکمن دي او امنیتي پیښې پکې زیات وخت رامنځته کیږي.

Related Articles

ځواب دلته پرېږدئ

ستاسو برېښناليک به نه خپريږي.

Back to top button
%d bloggers like this: