د کرونا له امله ۳ میاشتې په ائیرپورټ کې بند شخص

عزم (چهارشنبه،۸سلواغه ۱۳۹۹): تېر کال د کرونا له امله په ټوله نړۍ کې خلک له ویرې او ډار سره مخ و. د امریکا متحده ایالت له کلیفورنیا ایالت سره اړه لرونکی یو تن د همدې وبا له امله ۳ میاشتې په ائیرپورټ کې تیرې کړې.
۳۶ کلن آدیتا سنګهـ چې تیر کال اکتوبر کې یې له کلیفورنیا څخه شکاګو ته سفر کاوه په اوهیر هوايي میدان کې یې د قرنطین له امله ۳ میاشتې تیرې طکړې
نوموړی چې تېره اونۍ د هوايي میدان عملې وپېژانده؛ نو ایله له دغه رازه خبر شول.
د هوايي میدان عمله وايي: ادیتا سنګهـ غوښتل نور هم په اوهیر ائیرپورټ کې تېر کړي؛ خو له پېژندل کېدلو وروسته یې خبر له امنیتي منسوبینو سره شریک شو.
د اسوشیټېېډ پریس اژانس د خبر له مخې: ادیتا سنګهـ چې له اکتوبر میاشتې راهیسې بې روزګاره و، تیره اونۍ یې امنیتي عملې ته د ماسک په لرې کولو سره خپله پېژندپاڼه ور وښوده، چې انځور او نوم پکې د ده نه و؛ بلکې د یو بل کس و. له همدې امله پر ده د دوکې بازۍ تور ولګول شو.
خپله ادیتا سنګهـ ویلي: په تېرو دریو میاشتو کې مې هغه خوراک باندې ګزاره کوله، چې مسافرو راکوله.
د نوموړي دغه کار ډير خلک حیران کړي دي؛ خو ادیتا خپله کړنه کوم نااشنا کار نه بولي.

Related Articles

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Back to top button
%d bloggers like this: