ورځنی حدیث: په روژه ماتي کې تلوار (بیړه)
۱ــ عن سهل بن سعد رضي الله عنه، ان رسول الله صلی الله علیه وسلم قال: «لا یزال الناس بخیر ما عجلوا الفطر» متفق علیه
ژباړه: سهل رضي الله عنه وايي چې رسول الله صلی الله علیه وسلم فرمایلي: همېشه به وي خلک په خیر کې تر څو چې دوی په روژه ماتي کې تلوار (وړاندې والی) کوي.
۲ــ عن ابي هریرة قال: «قال رسول الله صلی الله علیه وسلم: قال الله عزوجل: ان احب عبادي الی اعجلهم فطرا» رواه الترمذی
ژباړه: ابوهریره رضي الله عنه وايي چې رسول الله صلی الله علیه وسلم فرمایلي دي: الله تعالی فرمايي: ما ته هغه بنده ګان خوښ دي چې په افطار (روژه ماتي کې) بیړه کوي.
شرحه: ټول علماء په دې موافق دي، چې روژه ماتي کې باید تلوار وشي؛ خو دومره هم نه، چې د ماښام وخت نه وي داخل شوی او دوی روژې ماتې کړي. یوه بله مسئله چې هغه د هوا (موسم) په بدلون پورې اړه لري؛ په ورېځ او باران کې د روژه ماتي ترسره کول دي. غوره دا ده چې په داسې حالت کې روژه ماتی له عادي ورځو لږ څه وځنډیږي.