د لوړې کچې پوځي تمرینات؛ طالبانو حیرانونکی ویدیویي اصدار خپور کړ

  عزم،دوشنبه، ۱۷غویي۱۴۰۰):هیواد کې د جګړو له زیاتوالي او د کابل حکومت لخوا طالبانو ته د پراخو تلفاتو اړولو له ادعاوو سره همهاله طالبانو یو حیرانونکی پوځي ویډیویي اصدار خپور کړ.
په دغه اصدار کې طالبانو د لوړې کچې د پوځي تریننګ او تمریناتو ښوودنه کړې اوژمنه ورکوي چې دوی به د خپلې خاورې، اسلامی نظام او د خپلو ولسونو د ساتنې ترڅنګ به دښمن ته د الله تعالی په مرسته غاښ ماتوونکی ځواب او د عبرت درس ورکوي.
طالبان په دغه ویډیویي اصدار کې د لومړي ځل لپاره خپلو ځواکونو ته د لوړې مراسم تر سره کوي او په لسګونه طالب ځواکونه د دیني اساساتو د ساتنې ترڅنګ د هیواد له ځمکنۍ بشپړتیا د ساتنې سوګند آدا کوي.
د دې ترڅنګ په یاد فلم کې یو مهم نوښتیز نمایش د وسایطو د کش کولو، د سرعت پر مهال د هغوی کلک نیولو او تر هغوی لاندې کیدلو ترڅنګ د بوکسرانو او کرتې د ځوانانو ځانګړي نمایشات دي ، چې ښیی طالب ځواکونو د لوړې کچې بدني روزنه هم موندلې ده.
ویدیو کې یو طالب چې لاس یې هم پرې دی، خبرداری ورکوي چې یو لاس یې هم د هیواد او دین څخه دفاع کې ورکړی، که یې ټول بدن هم ټوټه ټوټه شي، له مبارزې به لاس وانخلي.
یاد ویديویي اصدار کې د کمین وهلو، کمین ماتولو، د تصفیوي عملیاتو او نورو ورزشي تمریناتو ښوودنه او د ثقیله، خفیه وسلو په مټ د انداختونو او نښه ویشتلو جالبې صحنې هم پسولل شوې چې ټول یې د په لوړه کچه عکاسي شوي دي.
د ویدیو په پای کې د طالبانو د مرستیال مشر “خلیفه سراج الدین حقاني” هغه وینا را اخیستل شوې چې ګواکې د دوی مشرتابه هیڅ راز پریکړه د قران او سنت او مذهبي مسائلو تر کتنې مخکې نه کوي او هر څه ته له شرعي زاویې ګوري.
نوموړی وایي، د پخوا په پرتله یې څو برابره زیاته وړتیا موندلې او د بیلابیلو وسایلو د جوړیدو ترڅنګ یې پراخ قوت موندلی چې کولای شي په آسانه توګه د نړۍ امپراطوري رانسکوره کړي.

دغه ویډیویي اصدار ته د “اعداد الجهاد۵” نوم ورکړل شوی چې ټولټال ( 27 ) دقیقې او ( 53 ) ثانیې په بر کې نیسي.
یاد فلم لاندې لینکونو له لارې کتلی او خپلو کمپیوټرونو او ځیرک تلیفونو ته ښکته کولی شئ

متوسط کيفيت

موبايل کيفيت

طالبان
طالبان
طالب
طالب
طالبان
طالبان

Related Articles

ځواب دلته پرېږدئ

ستاسو برېښناليک به نه خپريږي.

Back to top button
%d bloggers like this: